Languages

Na nOg logo

Theatr NaNog

A’r enillydd yw… Theatr na nÓg!

Fis Mai, aeth Theatr na nÓg ar daith i Gaerdydd ar gyfer Gwobrau Arts & Business Cymru yng Nghanolfan Mileniwm Cymru, lle roeddem wedi’n henwebu ar gyfer gwobr gyffrous.

Roedd ein prosiect Would You Jump? wedi’n gosod ni a’n cydweithwyr Awdurdod Harbwr Caerdydd a Phorthladd Aberdaugleddau yn y categori Celfyddydau, Busnes a’r Amgylchedd.

Rydym wrth ein bod i gyhoeddi ein bod wedi ennill y wobr, gyda’r holl feirniaid yn gytûn. Dechrau gwych i adfywio’r prosiect yn 2018 lle byddwn yn gweithio gyda mwy fyth o ysgolion a phobl ifanc ar draws De Cymru yr wythnos nesaf.

Dywedodd Arts & Business Cymru:

‘Gwnaeth y beirniaid ganmol Awdurdod Harbwr Caerdydd a Phorthladd Aberdaugleddau am eu gweledigaeth wrth gomisiynu drama i fynd i’r afael â her gyffredin. Noddodd y busnesau Theatr na nÓg i ddyfeisio a pherfformio drama a oedd yn codi ymwybyddiaeth o beryglon nofio a neidio i’r dŵr mewn ardaloedd morwrol prysur ym Mae Caerdydd ac Aberdaugleddau. Gweithiodd y cwmni theatr gyda disgyblion o flynyddoedd 6-8 yn y ddau leoliad, yn ogystal â rhoi perfformiadau cyhoeddus ar lannau’r dŵr. Gwelwyd Would you Jump? gan dros 1,000 o bobl ac adroddodd y ddau fusnes leihad mewn ymddygiad gwrthgymdeithasol yn ystod Haf 2017. Roedd y prosiect mor llwyddiannus wrth hyrwyddo neges diogelwch dŵr allweddol mae’r noddwyr wedi cynyddu eu buddsoddiad ar gyfer 2018. Bydd hyn yn galluogi ail gam, yn cynnwys gweithdai ysgrifennu i ddisgyblion yng Nghaerdydd ac Aberdaugleddau, fydd yn datblygu dilyniant i’r ddrama wreiddiol. Cytunodd y beirniaid mai’r cywaith trawiadol hwn oedd yr enillydd amlwg yn y categori hwn.’

Cewch wybod rhagor am ein prosiect arobryn yma >>

Image: 

Download our app

Download our creative learning app for the classroom and home!

Download on the App storeGet it on Google play

Gyda'ch cefnogaeth chi, gallen neud lot mwy.

Helpwch ni i danio dychymyg cenedl

With your support, we can do more.

Help us ignite the imagination of the nation

Mae Theatr na nÓg yn elusen gorfrestredig yng Nghmru a Lloegr
(515903) ac yn gwmni cyfyngedig drwy warrant.
Theatr na nÓg is a charity registered in England and Wales
(515903) and a company limited by guarantee.

From our blog