Amdanom ni

O’n cartref clud yng nghanol cymoedd De Cymru rydyn ni’n creu theatr wreiddiol ar gyfer cynulleidfaoedd sydd ar drothwy ein drws a thu hwnt.

Beth sy’n ein cyffroi? Straeon arbennig. Am 30 mlynedd rydyn ni wedi diddanu cynulleidfaoedd trwy ddatgelu straeon anghyfarwydd ac anghredadwy, ond straeon sydd yn wastod yn ysbrydoli’r enaid.
Rydyn ni’n gweithio trwy gyfrwng y Gymraeg a Saesneg.
Mae ein gwaith yn ymfalchïo yn natur ddwyieithog ein gwlad, yn dathlu'r ddwy iaith ac yn annog ac yn cefnogi'r rhai sy'n dysgu Cymraeg.
Ein cenhadaeth yw cynnig cyfleoedd i bobl o bob oed a chefndir i brofi pŵer hudolus theatr fyw.

Theatr i’r teulu cyfan
Ers y dechrau, cynulleidfaoedd ifanc sydd wedi bod wrth wraidd ein gweledigaeth, ond mae’r gwaith yn denu amrywiaeth o gynulleidfaoedd yn cynnwys teuluoedd ac oedolion.

Dramâu a gweithdai i ysgolion
Drwy’r gwaith cyson rydyn ni’n creu i ysgolion, rydyn ni’n gyfrifol am gyflwyno profiadau theatrig arbennig i filoedd o blant. Mae pob un o’n cynyrchiadau i ysgolion yn dod â llu o weithdai yn ogystal ag adnoddau digidol rhyngweithiol ar gyfer yr ystafell ddosbarth, a chynlluniau pwrpasol i athrawon eu defnyddio wrth baratoi gwersi.

Dramâu gwreiddiol
Mae’r genhedlaeth nesaf yn chwarae rhan hanfodol yn yr hyn rydyn ni’n ei wneud, ond rydyn ni hefyd yn teithio cynyrchiadau sy’n apelio at bawb – o gynyrchiadau cerddorol ar raddfa fawr i brofiadau theatrig mwy agos-atoch.

Comisiynau
Rydyn ni bob amser yn hapus i gydweithio a chreu prosiectau unigryw ar eich cyfer. O godi ymwybyddiaeth am beryglon i edrych ar y ffyrdd orau o werthu eich hunan mewn cyfweliad. Mae theatr byw yn ffordd effeithiol o gyfathrebu a sicrhau bod eich neges yn cael ei chlywed.

Cefnogi Theatr na nÓg

HOFFECH CHI HELPU NI I ALLUOGI PLANT A PHOBL IFANC I BROFI PŴER HUDOLUS THEATR FYW?

Mae pob cyfraniad yn gwneud gwahaniaeth i'n cynulleidfa o 16,000 o bobl ifanc. Helpwch ni i ariannu prosiectau addysgol unigryw a chynyrchiadau theatr ysbrydoledig i'n plant a'n pobl ifanc.

cefnogwch ni

Wallace stood in front of a lake and mountains

Datganiad Hinsawdd

Mae Theatr na nÓg yn cydnabod ein bod mewn argyfwng hinsawdd a bod gennym gyfrifoldeb y tu hwnt i’n rhwymedigaethau cyfreithiol i anelu at niwtraliaeth garbon cyn gynted â phosibl.
Rydyn ni’n cydnabod natur fyrhoedlog y gwaith a grëir gan ein diwydiant, ac y gall pob rhan o gynhyrchiad y theatr gael effaith ar yr amgylchedd - o’r deunyddiau crai a ddefnyddir ar gyfer setiau, gwisgoedd, goleuadau a seiniau, i’r teithiau a gymerir gan y gynulleidfa i weld perfformiad.

Rydyn ni’n credu y gall ein straeon fod yn rhan o’r ateb am fod theatr yn gallu addysgu ac agor meddyliau pobl, yn ogystal â dyfnhau eu dealltwriaeth o’n byd naturiol. Er bod ein straeon blaenorol wedi canolbwyntio ar yr amgylchedd, rydyn ni’n cyfaddef nad yw hynny’n ddigon, a bod yn rhaid inni ailymrwymo i hoelio ein sylw ar yr amgylchedd oddi ar y llwyfan hefyd.

Dysgwch mwy

Rydym yn falch o gael ein cydnabod gan Gomisiynydd y Gymraeg wrth gynnig Cynllun Datblygu Cynnig Cymraeg. Ein 5 ymrwymiad i’r Gymraeg o dan y cynllun yw:

Rydym yn darparu cynyrchiadau iaith Gymraeg o safon uchel dros Gymru a thu hwnt.
Rydym yn darparu gweithdai ymgysylltiol yn Gymraeg i grwpiau ysgol a chymunedau.
Rydym yn cefnogi siaradwyr a dysgwyr Cymraeg o fewn y diwydiant theatr, yn cynnig y cyfle i weithio yn y Gymraeg.
Rydym yn darparu adnoddau dwyieithog i ysgolion i gydfynd gyda’n cynyrchiadau i ysgolion.
Rydym yn anelu i gynyddu'r nifer o gynyrchiadau iaith Gymraeg, yn gweithio gyda chyd-gynhyrchwyr yn y cymoedd i ymgysylltu gyda’u siaradwyr a dysgwyr Cymraeg lleol.